حماتي بتتعمد تيجي قدامي وتميز مرات اخو زوجي عني يا مايسة؟؟
سؤال من العيادة 👆
اي حد بيحب يضايقك باللي قدامك هو عايز يدخل على قلبك الحزن ويشوفك بتتنافس تقدمله اكتر من التاني عشان تنول رضاه وتفضل مستنزف وفي الاخر برضة مش هتعحبه
غلطة اي زوجة انها تفضل تشتكي للناس او تشهدهم او تتكلم مع حماتها ظنا انها تلفت نظرها ان التصرف ده يضايق وطبعا الحمى بتبقى حافظة كام سبب تعرف تقوله تبرر بيه تصرفاتها
ولكن اللي لازم تفهميه ان لو هي عايزة تضايقك بيها اعملي العكس
قوليلها لما تشوفيهم مع بعض
١/ حبيبتك جت اهي ايوة ربنا يهني سعيد بسعيدة 😘
٢/لما تيجي تندهلها قدامك اندهي معاها قوليلها تعالي كلمي انتي عارفة هي مش بتقدر تستغنى عنك😅
٣/لما تيجي تحكي عنها قدامك قولي ايوة فعلا هي شخصية كويسة 🙈
٤/لو قالتلك اعملي زيها في حاجة وانتي شايفة انها متعمدة تقارن عشان تضايقك خدي المووضوع بهزار وغيري الكلام وماتاخديش الموضوع ع اعصابك خصوصا لحد ما تقومي من قدامها
٥/ تجاهلي تماما مواقفهم مع بعض اغلب الوقت كأنك مش واخدة بالك او مركزتيش بيعملوا ايه وده اعمليه اغلب الوقت اللي تعرفي تعملي فيه كده لان اوقات هي هتتعمد تدخلك في الكلام ف مش هتعرفي طول الوقت تتجاهلي عشان كده اعملي الخطوات اللي فوق وقتها
من الاخر لما تلاقي حد عايز يضايقك بحد وصله ان ده عادي جدا ومش مضايقك
ساعتها هيبطل يعمله لان اصلا كان بيعمله عشان يضايقك فلما تبطل تضايق هيعمله تاني ليه؟!
#اذكرالله_للجميع@
عضويتي 
حماتي بتتعمد
العرض العادي
