هو ليه لازم احنا دايما اللي نسند اللي حوالينا ونراضيهم واحنا محدش بيحاول يراضينا
ليه لازم احنا اللي نيجي علي نفسنا عشان خاطر غيرنا .
ليه مابيهونش علينا نزعل حد او نكسر بخاطر حد انما احنا نزعل عادي ويتكسر بخاطرنا عادي .
ليه احنا دايما موجودين ومتاحين طول الوقت لكل اللي بيحتاجنا انما احنا لما نحتاج حد مانلاقيهوش .
ليه احنا اول ناس بتكون حاضرة ف اي مشكلة او حزن وبنكون اول الناس اللي بتواسي وتهون من غير ماحد يطلب مننا
واحنا لما بنكون ف حالة ضعف او وجع احنا اللي بندور عاللي يواسينا ومانلاقيش
ليه احنا بنعمل كل حاجه نقدر عليها ومانقدرش عليها عشان نسعد اللي حوالينا ونفرحهم ومابنلاقيش حد بيحاول يعمل اي مجهود ولو بسيط اوي عشان يفرحنا .
ليه احنا مابننساش حد وفاكرين الكل انما احنا منسيين .
ليه لما حد بيختفي ويبعد بندور عليه ونسأل عنه انما احنا لما بعدنا او غيبنا محدش هيدور علينا ولا يسأل عننا .
ليه مافيش حد في حياتنا زيينا وشبهنا ويعمل معانا اللي احنا بنعمله مع الناس
هو خلاص كدة اتكتب علينا احنا اللي طول الوقت نفضل شايلين كل اللي حوالينا واحنا اللي دايما كبار واحنا اللي دايما عاقلين
#لاء_انا_تعبت انا مابقتش قادر علي كل المسئولية دي .. مابقتش قادر اكبر دماغي من كل حاجه مضايقاني وواجعاني .. مابقتش قادر اكتم عتابي للناس اللي بحبهم وبيزعلوني مابقتش قادر خلاص .
محتاج حد يشيل همي، حد ياخد باله مني ، حد اتسند عليه ، حد يقولي ماتشلش هم حاجه انا موجود انا جمبك #انامحتاج_ارتاح ;...✋
عضويتي 
هوليه لازم
العرض العادي
