اخبث واخفي

من أخبث وأخفى أسباب "ضعف التركيز" ... الحرص الزائد على استغلال الوقت أو اللي المشاكل اللي تسللت لكتير مننا تح دقي وإلا تبقى بتهدر يومك وبتضيع عمرك ويا حسرة على شبابك اللي راح منك ...

وعلى قد ما الفكرة دي Tempting أو مغرية جدا ... إلا إنها في الحقيقة من خلال ملاحظتي لنفسي وملاحظاتي لعملائي في جلسات الكوتشينج، هي من أضر الأفكار على التركيز والإنتاجية ...

- ازاي؟

من أشكال ضعف التركيز ... إنك ما تبقاش متحكم في الـ Attention بتاعك ... بمعنى إن أي حاجة تعدي من قدامك، تاخد تركيزك ... ودي المشكلة المسماة في العلوم النفسية باسم Attention Deficit Disorder (ADD) ... إن انتباهك يبقى قصير المدى ... كل ما تحاول تركز في حاجة، تلاقي حاجة تانية بتاخد تركيزك أو انتباهك ده ...

ومشكلة "الهوس باستغلال الوقت" بتظهر هنا عند كتير من الناس، بإني لازم أبقى مستغل كل انتباهي ... بمعنى إن لو فيه حاجة واخدة مني نصف انتباه ... فالمفروض أستغل بقية الانتباه ده في حاجة تانية (أعمل Multi-tasking) عشان مابقاش بضيع وقت ...

فتلاقي نفسك لو بتقرأ في كتاب مثلا، أو بتشوف فيديو تثقيفي، أو بتعمل أي حاجة مش بتلحق تاخد انتباهك من أول وهلة ... بتلاقي نفسك قاعد بتفرك على حاجة تانية تعملها جنب الحاجة الأساسية ... زي إنك تشغل حاجة تسمعها وانت بتقرأ، أو تقلّب في الفيس بوك، أو تعمل أي حاجة Fidgeting عشان تاخد بقية انتباهك، وما تحسش إن فيه جزء من انتباهك مش مستغل الاستغلال الأمثل ...

فبتكون النتيجة ... إنك لو بتعمل حاجة بتتطلب منك "تركيز متعمّد" وإنك تجاهد نفسك عشان تركز فيها ... بتلاقي إنك مش مدي نفسك الفرصة دي ... فرصة إنك تبني تركيزك ... إنك تركز شوية بشوية في الكتاب اللي بتقراه أو في الفيديو اللي بتسمعه أو في المهمة اللي عايز تعملها بتركيز ... لأنك وانت بتعملها حاسس إنك بتضيع وقتك! ...

وعلاج المشكلة دي، إنك تدرك إن "الهوس باستغلال الوقت"، هو في الحقيقة نوع من التفكير المثالي Perfectionism ... وإن فكرة إنك تستغل كل قطرة في وقتك، فكرة خيالية ليس لها وجود في الواقع، بل هي فكرة Counter-Productive، لأنها مش بتديلك فرصة إنك تتحكم في انتباهك وتوجهه في الاتجاه اللي انت عايزه بالفعل ... وإنك لو استغليت وقتك وانتباهك بنسبة 70 أو 80% فدي نسبة كافية جدا لإنجاز أغلب المهام وتحقيق أغلب الأهداف اللي انت بتسعى لتحقيقها ...

اللي شرحته في البوست ده، هو في الحقيقة شكل واحد من الأشكال السلبية الكتيرة اللي بيتسبب فيها "الهوس باستغلال الوقت"، اللي هو كان في وقت من الأوقات هو الحاجة الـ Trendy اللي بتدل إنك شخص جامد وعندك طموح وهمة ... وهو في الحقيقة حاجة سامّة جدا، ينبغي الانتباه ليها والحذر منها ... لأن زي ما أجدادنا قالوا "الشيء اللي بتزيد عن حده، بيتقلب لضده" ...

وبس كده، لو وصلت قوللنا أكتر حاجة لفتت نظرك في الكلام عشان نثري النقاش :)

ولو عايز تتابع كل المقالات واللقاءات المتعلقة بالصلابة النفسية والإنتاجية، تقدر تشترك في جروب واتس آب الخاص بالص

الموضوع الأصلي: اخبث واخفي || الكاتب: نور || المصدر: منتديات غيمة عطر

منتديات غيمة عطر

كلمات البحث

سطرٌ فاق الوصف لعذوبته فكم جعلني أبحر في محتواه
لك جزيل الشكر على طرحك الراقي