الست السوية القوية
 

🌹 الست السوية القوية الناجحة هتقدر تتحمل المسؤولية في أي وقت يحصل فيه ظروف صعبة لزوجها،
وهتقدر تشيل مكانه لحد ما يرجع زي الأول، مش هتكون حمل عليه في وقت صعب.

🌹 الست القوية السوية اللي مش عايزة تتساوى بالراجل،
ولا واقفاله الند بالند، بتعرف تقرر وتختار وتتحمل المسؤولية وتواجه، وهي الست برضو اللي بتعترف بغلطها وتتعلم منه وتتطور..

🌹 ست عندها رأي و وجهة نظر، ست بتعرف تسمع وتحتوي وتطمن وتقوي وتشجع وتهون. ست عارفة قيمة دور الراجل في حياتها، وعارفة حقوقها وواجباتها.

👌الراجل السوي الواثق من نفسه ميخافش من نجاح الست،
لانه عارف و واثق إنها هتكون درعه الواقي وقت الشده، هتعرف تربيله ولاده صح، راجل عارف ان الست مهما كانت ناجحة وقوية عمرها ما تستغنى عن راجل محترم مقدرها وواثقة فيه، وحاسة معاه بالأمان

👌الراجل السوي الواثق من نفسه ميحاولش يكسر ست قويه علشان يحس هو برجولته.

👌 الراجل السوي مش بيتعامل مع الست اللي معاه أنها استيبن وقت الأزمات (يقرر يمنعها من الشغل لو الأوضاع ماشيه تمام معاه ويسمحلها بالشغل لما يحصله أزمه علشان تسد العجز اللي حصل)

أيها المتالق
ربى لايحرمنا من هذا القلم الذهبى
دمت ودام قلمك