ملك مصر وتاسعا حكامها فؤاد الاول

أسلم , التابعي , الجليل/الامام , شجرة

ملك مصر وتاسعا حكامها فؤاد الاول

بسم الله الرحمن الرحيم اللهم صل على محمد وعلى آله وصحبه أجمعين
فؤاد الاول ( القاهره، 26 مارس 1868 - القاهره، 28 ابريل 1936 ) ملك مصر و تاسع حكامها من اسرة محمد على ، ابن الخديوى اسماعيل ، اتنصب بعد اخوه السلطان حسين كامل فى 9 اكتوبر 1917 ، بعد ما اتنازل الامير كمال الدين حسين ابن السلطان حسين كامل عن حقوقه فى تولى السلطنه المصريه ، و اتلقب بملك مصر فى مارس 1922 ، و حكم لغاية وفاته. قامت فى عهدة ثورة 1919 ، و اضطر الانجليز رفع حمايتهم عن مصر بمقتضى تصريح 28 فبراير 1922 و اتعمل دستور 1923 و اتعملت فى مصر اول وزاره شعبيه برياسة سعد زغلول. حصلت فى عهده مفاوضات كتيره بين مصر و انجلترا بريطانيا بهدف تحديد العلاقات بين البلدين ( مفاوضات زغلول - مانر 1920 ، و عدلى - كرزن 1921 ، و زغلول - رامزى مكدونلد 1924 ، و ثروت - اوستن تشمبرلين 1927 ، والنحاس - هندرسن 1929 - 1930 ) ، و انتهت المفاوضات بتوقيع معاهدة 1936 اللى اعترفت فيها بريطانيا باستقلال و سيادة مصر. بعد ما اتوفى فؤاد الاول خلفه ابنه فاروق الاول.

إتولد الملك فؤاد الاول فى قصر ابوه الخديوى اسماعيل باشا فى القاهره فى 26 مارس سنة 1868 و كان أصغر اولاد الخديوى اسماعيل ولما كبر شويه دخله ابوه المدرسه الخاصه اللى كان انشأها فى قصر عابدين عشان يعلم فيها ولاده و لما فؤاد بقى عنده سبع سنين بعته سويسرا و دخل هناك مدرسة " تودكيم " الخاصه ، لكن و هو فى سويسرا اتخلع ابوه واتنفى على ايطاليا فراح فؤاد على هناك و دخل المدرسه الملكيه الاعداديه فى تورينو و بعدها دخل مدرسة تورينو العسكريه و اتخرج منها سنة 1888 و انضم للجيش الطليانى لمدة سنتين بعدها عينه السلطان العثمانلى عبد الحميد ياور ليه فى البلاط السلطانى فى استنبول و بعدين استدعاه الخديوى عباس التانى لمصر و عينه ياور ليه.
الملك فؤاد الاول
فى اكتوبر 1917 اتوفى اخوه السلطان حسين كامل و حسب نظام وراثة العرش كان المفروض ان ابنه الامير كمال الدين حسين يتنصب سلطان على مصر مكانه لكن الامير كمال لسبب او تانى ما رضييش يخلف ابوه على عرش السلطنه المصريه فإتنصب بداله عمه فؤاد يوم 9 اكتوبر سنة 1917 و اتغيرت مصر من سلطنه لمملكه فبقى فؤاد الاول ملك مصر.
إتلقب الملك فؤاد بـ " سيد النوبة وكردفان ودارفور " ، و اترأس اللجنه اللى اتشكلت لتأسيس و تنظيم الجامعه الاهليه ( جامعة القاهرة دلوقتى ). عهد الملك فؤاد الاول حصلت فيه ثورة 1919، ورفعت فيه بريطانيا الحمايه عن مصر و اعترفت بيها مملكه مستقله ليها سياده فأعلن فؤاد الاول استقلال مصر فى 12 مارس 1922. و فى عهده صدر دستور 1923 ، و اتشكلت اول وزاره شعبيه برياسة سعد زغلول.
بعد ما لغى مصطفى كمال اتاتورك الخلافه العثمانليه فى تركيا فى بداية عشرينات القرن العشرين اتعملت محاولات فى مصر عشان يبقى الملك فؤاد " خليفة المسلمين " لكن المحاولات فشلت ، لكن الملك فؤاد سعى عند بريطانيا لتعديل نظام وراثة عرش مصر بحيث يبقى منحصر فى ذريته بدل اكبر افراد الاسره العلويه و نجح فعلاً فى مساعيه فأصدر فى 13 ابريل 1922 النظام الجديد لوراثة العرش فبقى اللقب الرسمى لابنه فاروق هو " حضرة صاحب السمو الملكى الامير فاروق " و " امير الصعيد ".

حكم الملك فؤاد لغاية وفاته فى 28 ابريل 1936 و اتدفن فى مسجد الرفاعى فى القاهره و خلفه ابنه فاروق الاول.
اولاد الملك فؤاد من الاميرة شويكار
• اسماعيل فؤاد : (1896-1896)
• الاميره فوقيه
اولاد الملك فؤاد من الملكة نازلى
• الملك فاروق
• الاميره فوزيه
• الاميره فايزه
• الاميره فايقه
• الاميره فتحيه

الموضوع الأصلي: ملك مصر وتاسعا حكامها فؤاد الاول || الكاتب: ناطق العبيدي || المصدر: منتديات غيمة عطر

منتديات غيمة عطر

---

lg; lwv ,jhsuh p;hlih tch] hgh,g Hsgl hgjhfud hg[gdgLhghlhl a[vm

سلمت يداك ..
ودائما في إنتظار جديدك
لاخلاولاعدم

مشاركه جيده ومفيده

وتفاعل طيب ...وتواجد جميل

بارك الله فيك