مساء الكلام عليكم ... احب أعرفكم بنفسي انا شخصية بيقولوا اني خيالية لكن الغريب ان معظم الناس يومها مايكملش إلا لو اشتروا من عندي كلام أو حتي سمعوا من ناس
مساء الكلام عليكم ... احب أعرفكم بنفسي
انا شخصية بيقولوا اني خيالية لكن الغريب ان معظم الناس يومها مايكملش إلا لو اشتروا من عندي كلام أو حتي سمعوا من ناس اشترت من عندي
طيب حتى الآن ماحدش فاهم حاجة هقولكم اهو ركزوا بقي
في في واحد اسمه يوسف مدير شركة فيها موظفين ما يقدروش يطلعوا الشركة كل يوم إلا إذا خدوا مني قرطاس ولا اتنين طبعاً بغض النظر عن الباشمهندس عادل بياخد في اليوم شكارة على بعضها
انا فعلاً مراعي ان انت لسه ما فهمتش بس خلاص هقول اهو الأستاذ يوسف ده بقي كل اما يسأل حد من التيم ( عملت ايه في الشغل الفلاني ؟ )
طبعاً لو مافيش عنده رد جاهز بيقوم مطلع القرطاس من الشنطة وواخد منه كبشة كلام ويحدفها في وش استاذ يوسف وهو حظه بقي ممكن يكون الرد :
( أصلاً انا لسه واصل الشغل من ساعة والنور كان مش قاطع عشان كده لسه مافطرناش -
أو - الشغلانة دي أصلاً غلط لان عملت سيرش الأسبوع اللي فات وظهرلي نتائج احنا مستحيل نحققها وعشان كده الراجل جاب الفول بسلطة وانت عارف مصطفى مش بيحب السلطة )
طبعاً أستاذ يوسف بيتجنن من الردود دي ويطلع يجري ع البلكونة ويدور عليا ويشوفني لسه واقف تحت ولا لسه ولو لقاني تحت يقوم دالق عليا جردل مياه بس علي مين انا بجيب شوية كلام ناشفين وانشف بيهم المياه وابيعهم على انهم كلام مبلول بسعر أغلى 😅
وطبعا مش محتاج اعرفكوا ان بعد مدة قليلة جداً وبعد مكان استاذ يوسف مستغرب من موظفينه وبيرش عليا مياه بقي اهم واتقل زبون عندي ولانه سخي وكريم بقي كل يوم يجي يشتري مني قرطاسين محوجين ليه
وقرطاس لكل واحد ف التيم بتاعه
ودا ان دل علي شيء يدل اني شخصية مؤثره ومهما كنت رافض الفكرة او مش فاهمها مسيرك تقتنع بيها وساعتها لازم هتجرب القراطيس المحوجة الي بتتعمل لأستاذ يوسف مخصوص 👌
وبمناسبة اننا قررنا نعمل سوشيال ميديا وبقى عندنا صفحات على مواقع التواصل عاملين عرض لفترة محدودة لا يعملها إلا الله
والعرض هو :
لو اتزنقت في رد أو سؤال ابعتلنا في الكومنتات واحنا هنبعتلك قرطاس كلام تمشي حالك بيه
شكرا على طرح القيم الرائع دائما مواضيعك مميزه نحن في انتظار جديده تسلم الايادي دمت ودام عطائك ووجودك ومواضيعك لك طلعت مني تحياتي وتقديري واحترامي شكرا لوجودك هنا
شكرا على طرح القيم الرائع دائما مواضيعك مميزه نحن في انتظار جديده تسلم الايادي دمت ودام عطائك ووجودك ومواضيعك لك طلعت مني تحياتي وتقديري واحترامي شكرا لوجودك هنا