جملة رائعه عن صلاة
 

الشيخ #وجدان_العلي قال جملة رائعة عن الصلاة:

" إذا أخذت الصلاة موضعها من القلب يأخذ كل شئ في الدنيا موضعه " !

يعني ايه الكلام دا؟

من ضمن مداخل إبليس علينا مدخل " التضخيم الزائد للأمور " يعني بندي إهتمام مبالغ فيه لحاجات مش محتاجة كل دا، بنضخم من الأمور أوي، سواء بنزعل أوي أوي، أو بنفرح أوي أوي، أو بنتعلق بحد أوي، أو بحلم، أو بهدف، بشكل مبالغ فيه، بندي الحاجات أكبر من حجمها في قلوبنا، لما الواحد يجي يصلي و يستشعر عظمة و جلال الله، الله الكبير، العظيم، تعظيم ربنا في قلبك بيخليك تتزن و تحط كل شئ في مكانه صح، علشان كده رب العالمين في وصفه لأبن آدم قال " إِنَّ الْإِنْسَانَ خُلِقَ هَلُوعاً * إِذَا مَسَّهُ الشَّرُّ جَزُوعاً * وَإِذَا مَسَّهُ الْخَيْرُ مَنُوعاً" .

يعني عنده تضخيم زيادة للأمور، لكن في فئة متزنة جدًا نفسيًا فـ جت الأية بعدها توضح مين دول " إِلَّا الْمُصَلِّينَ " .

اللي بيخشع في صلاته على قد ما يقدر، و بيحاول يشوف الصلاة " متنفس الحياة"، مع الوقت مشاعره هتنضج جدًا، هيوصل لقمة السلام و الهدوء النفسي، و تهويل الأمور هيختفي عنده مع الوقت، لأنه هيعلم حجم الدنيا الحقيقي، و إتصاله بالله مع كل فرض إتصاله بمصدر النور الأعظم هيخلي النور ده يوصل لبصيرته فيشوف كل حاجة في حجمها الطبيعي.
من الآخر ، كأن هدف الصلاة الأصلي:
أنت تعود للعالم و قد جئتهم من عند الله.

✍️

جزاك الله خيرا
وجعلة فى ميزان حسناتك

كنت هنا ارق لي مع طرحك تسلم الايادي دمت ودم عطائك ومواضيعك ووجودك هنا دائما في انتظار جديده لك تحياتي وتقديري واحترامي لسموك شكرا

مشاركه جيده ومفيده

وتفاعل طيب ...وتواجد جميل

بارك الله فيك

تسلم الايادي على طرحك الرائع والمميز دمت ودام
وجودك شكرا لك
مع تحياتي وتقديري واحترامي لك
*بكل شوق ..
لروحك جنآئن