طريقة تخزين الرمان
 

** طريقة تخزين الرمان **
أفضل رمان للتخزين هو الرمان المنفلوطى
طيب نعرفه إزاى
-أولاً الأيام دى بيبتدى ينزل (بعد ما ينزل الرمان فى السوق بفترة)
-ثانياً القشرة بتاعته ممكن تلاقوا فيها شق خارجى (مش واصل للداخل)
- حجم الواحدة كبير نسبياً ولونها أحمر وملمسها ناعم وبحس إن قشرتها فيها لمعة
- الفواصل بتاعتها بتكون رقيقة
- الراجل لو آمين بيبقى كاتب عليها وفاتح واحدة وبتبقى حبوب الرمان لونها أحمر داكن ما شاء الله
طيب ليه المنفلوطى بالذات 🤔
علشان طبعاً مسكرة ولونها أحمر داكن والحموضة بتاعتها مقبولة ونادراً لما تلاقى واحده حبوبها فاتحة 👍
أفضل فترة للشراء الايام دى ولشهر مثلاً قدام لكن هى بتفضل موجودة بعد كده بس سعرها بيبقى أغلى وكمان بيبقى تلاجات
*ملحوظة👇
يفضل إن الرمان ما يتخزنش فى الفريزر أكتر من ٦ أشهر لأن بصراحة بحس إن طعمه بيتغير عكس فواكه تانية بتقعد أكتر من كده من غير ما يتغير طعمها👌
** بيتخزن حبوب الرمان بدون أى إضافات فى أكياس أو فى علب تلاجة
**وفيه بعض الناس بتنشف القشر كمان وتحتفظ بيه فى برطمانات وبتغلي منه على أد الاستخدام هو بيتباع عند العطارين لإنه معروف فوائده بس طبعاً ما فيش أنضف ولا أضمن من حاجة البيت👌👌
وهو مفيد جداً للى عندهم مشاكل فى المعدة والجهاز الهضمى عموماً 🥰
وطبعاً عند خروج حبوب الرمان نستخدمها على طول بدون ما نسيبها تفك وهى لسه مجمدة
نقدر نستخدمه كعصير وفى السلطات طبعاً غير إنه طعمه لذيذ فوائده كمان كتييير أهمهما لمرضى الانيميا والعصير والقشر زى ما قلت كمان مفيد للمعدة للى عندهم مشاكل زى الحموضة والإرتجاع
#أحلام_حسين
حتلاقوا طريقة تقشير الرمان بكل سهولة فى اول تعليق

تسسّلم الأيآدي المخمليه ,
لِ روعـة مآجلبتْ

جزاكم الله خيرا مولوع رائع ومفيد جعله الله في ميزان حسناتك وننتظر جدتكم بفارغ الصبر

سلمت كفوفك
لطيب الجهد و تميز العطاء
لاحرمنا الله روائعك
دمت ودام تألقك
تحيتـي وخالص الود والتقدير لك